مرتب:مولانا جاویدصاحب(ناظمِ مکاتب)
خَیْرُکُمْ مَنْ تَعَلَّمَ الْقُرْآنَ وَعَلَّمَہ (الحدیث)
تم میں سے بہترین شخص وہ ہے جو قرآن کو سیکھے اور سکھائے۔
اس پر آشوب دور میں جب کہ لامذہبیت کو فیشن سمجھا جارہا ہے، اور ہر طرف مذہب کی مخالفت کے لیے محاذ قائم کئے جارہے ہیں، مذہبی اور دینی تعلیم کے راستے روکے جارہے ہیں اور اس کے ذرائع بند کرنے کی کوشش کی جارہی ہے۔
تو ہم سب کے لیے ضروری ہے کہ:منظم تعلیمی اداروں اور مدارس کی شکل میں دینی بیداری کی کوششوں کے ساتھ ساتھ گھریلواور علاقائی اور مساجد کی سطح پر ایسے مکاتب ہونے چاہیے، جہاں مسلمانوں کے بچوں اور بچیوں کو ابتدائی اور بنیادی تعلیم دی جائے تاکہ وہ بچپن ہی سے اپنے ایمان ، عقیدہ اور اسلامی تہذیب سے آراستہ اور پیراستہ ہو جائیں۔
مسلمانوں کی تباہی اور اس کا تدارک:حضرت شیخ الہند رحمۃ اللہ علیہ نے فرمایا:میں نے مالٹا کی تنہائیوں میں غور کیا کہ پوری دنیا میں مسلمان دینی ودنیوی حیثیت سے کیوں تباہ و برباد ہو رہے ہیں؟تو اس کے دو سبب معلوم ہوئے۔(۱ )۔ایک قرآن کا چھوڑ دینا اور(۲)دوسرے ان کے آپس کے اختلافات اور خانہ جنگی۔ اس لیے میں وہیں سے عزم لے کر آیا ہوں کہ قرآن کولفظا ً و معناً عام کیا جائے۔بچوں کے لیے لفظی تعلیم کے مکاتب بستی بستی قائم کیے جائیں۔بڑوں کو عوامی درس قرآن کی صورت میںاس کے معانی سے روشناس کرایا جائے ۔ اور قرآنی تعلیمات پر عمل کے لے آمادہ کیا جائے۔
اللہم وفقنا لماتحب وترضی۔
ایں دعاء از من واز جملہ جہاں آمین باد (مولانا)غلام محمد وستانوی(صاحب)
الحمد للہ اسی کے پیشِ نظرحضرت رئیس الجامعہ مولانا غلام محمد صاحب وستانوی نے روزِ اوّل ہی سے پسماندہ اور بچھڑے ہوئے دیہاتوںمیںنونہالان ِامت کی فکر کی۔ان کی تعلیم وتربیت کے لیے مؤثر سعی فر مائی ۔
اس وقت جامعہ کے ماتحت ۱۶ ریاستوں میں تقریباً 2620 مکاتب ِقرآنیہ جاری ہیں۔فللہ الحمد والشکر۔لہذا ہم دوبارہ درخواست کرتے ہیں کہ اپنے معصوم اور ننھے بچوں اور بچیوں کو مکاتبِ قرآنیہ میں فکر اور اہتمام سے تعلیم دلائیں۔ اور ارتداد کی ہواؤں سے بچائیں۔
مکاتبِ قرآنیہ کے مقاصد
٭ مکاتبِ قرآنیہ کے مقاصد میں سے بنیادی مقصد نونہالوں میں دین کا شعور بیدا رکرنا۔
٭ مسلمان بچوں اور بچیوں کو تہذیب و اخلاق کی ابتدائی باتوں کا عادی اور خو گر بنانا۔
٭ تمام مسلمانوں میں دینی شعور اور اسلامی حمیت کو بیدار رکھنا۔
٭ قرآن پاک کی تعلیمات کو گھر گھر عام کرنا۔
اللہ رب ذوالجلال ہمیں ان مقاصد میں کامیاب فرمائیں۔
مخلصانہ اپیل
جامعہ اسلامیہ اشاعت العلوم اکل کوا کے ماتحت قائم اور جاری مکاتب جو ہندوستان کے طول وعرض میں پھیلے ہوئے ہیں، جن کی کل تعداد2620 ہے جن میں زیرِ تعلیم بچوں اوربچیوں کی کل تعداد127,334 ہے اب تک ناظرہ قرآن مجید ختم کرنے والے بچوں اور بچیوں کی تعداد200,552/- ہے۔
جامعہ مکاتب قرآنیہ کے اساتذہ کا ماہانہ مشاہرہ 37,27,025/- اور سالانہ بجٹ40,997,275/-ہے۔ میں تمام معاونین ومخلصین سے درخواست کرتاہوں کہ ان مکاتبِ قرآنیہ کا زیادہ سے زیادہ تعاون فرمائیں۔
شعبۂ مکاتب ایک نظر میں
٭ آغاز مکاتب 1981ء1401ھ ٭ کل مکاتب 2620
٭ کل صوبے 16 ٭ کل سینٹر 100
٭ کل اضلاع 91 ٭ کل طلبہ و طالبات 1,27,334
٭ ماہانہ مشاہرہ از جامعہ37,27,025/- ٭ سالانہ مشاہرہ از جامعہ 40,997,275/-
٭ سالِ رواں ناظرۂ قرآن مکمل کرنے والے طلبہ وطالبات 15813
٭ سالِ رواں پارۂ عم مکمل کرنے والے طلبہ و طالبات 18104
٭ سال ِرواں احسن القواعد و نورانی قاعدہ مکمل کرنے والے طلبہ وطالبات 26819
٭ اب تک ناظرہ قرآن مکمل کرنے والے طلبہ وطالبات 200552