مضمون نگار:شیخ خالدخضمی یمنی
مترجم:مفتی نجم الحسین آسامی استاذ جامعہ اکل کوا
قرأتِ حفص پڑھنے والے قارئین کے لیے کچھ اہم قواعد کی رعایت ضروری ہے ، تاکہ قرأت میں غلطی کا شکار نہ ہو۔
’’ص‘‘اور’’س‘‘کے کچھ اہم قواعد:
۱- سورۃ بقرہ کی آیت ۲۴۵؍{وَاللّٰہُ یَقْبِضُ وَیَبْصُطُ س }میں خالص ’’س ‘‘پڑھا جائے گا۔
۲- سورۃ اعراف کی آیت ۶۹؍{وَزَادَکُمْ فِی الْخَلْقِ بَصْطَۃًس } میں خالص ’’س ‘‘پڑھا جائے گا۔
۳- سورۃ طور کی آیت ۳۷؍{اَمْ ہُمُ الْمُصَیْطِرُوْنس }میں’’س ‘‘ اور ’’ص ‘‘دونوں پڑھنا صحیح ہے،لیکن ’’ص ‘‘ پڑھنا بہتر ہے۔
۴- سورۃ غاشیہ کی آیت ۲۲؍{ لَسْتَ عَلَیْہِمْ بُمُصَیْطِر}میں خالص ’’ص ‘‘ پڑھا جائے گا۔
کلمۂ ضعف:
سورہ ٔروم کی آیت ۵۴؍ میں{اَللّٰہُ الَّذِيْ خَلَقَکُمْ مِّنْ ضَُعْفٍ ثُمَّ جَعَلَ مِنْم بَعْدِ ضُعْفٍ قُوَّۃً ثُمَّ جَعَلَ مِنْم بَعْدِ قُوَّۃٍ ضُعْفًا وَّشَیْبَۃً } اس آیت میں لفظ ’’ضعف‘‘ تین مرتبہ آیا ہے،امام حفص ؒ کے نزدیک ’’ضُعف‘‘ کو زبر اور پیش دونوں کے ساتھ پڑھنا صحیح ہے، لیکن’’ ضَعف ‘‘ پر زبر پڑھنا بہتر ہے۔
الف کے حذف وعدم حذف کے کچھ قواعد:
۱- سورۂ یوسف کی آیت ۴۵؍{ اَنَا اُنَبِّئُکُمْ بِتَأوِیْلِہِ فَاَرْسِلُوْنِ}میں وقف کی حالت میں’’ انا‘‘ کے الف کو پڑھا جائے گا اور وصل کی حالت میں الف حذف ہو جائے گا۔
۲- سورۃ کہف کی آیت ۳۸؍{ لٰکِنَّاْ ہُوَ اللّٰہُ رَبِّیْ}میں وقف کی صورت میں’’ لکنا ‘‘کے الف کو پڑھا جائے گا برعکس الف حذف ہوگا۔
۳- سورۃ احزاب کی آیت ۱۰{وَتَظُنُّوْنَ بِاللّٰہِ الظُّنُوْنَاْ}وقف کی صورت میں’’ ظنونا‘‘کے الف کو پڑھا جائے گا ورنہ الف حذف ہوگا،
۴- {وأطَعْنَاْ الرَّسُوْلاً}سورۃ احزاب آیت۶۶،میں’’ الرسولا‘‘ کے الف کو وقف کی صورت میں پڑھا جائے گا ورنہ حذف ہوگا۔
۵- سورۂ احزاب کی آیت ۶۷ ’’فَأضَلُّوْنَاالسَّبِیْلاْ ‘‘وقف کی صورت میں’’ السَّبِیْلَا‘‘ کے الف کو پڑھا جائے گا ،وصل کی صورت میں الف حذف ہوگا۔
۶- سورۃ انسان آیت ۱۵ ؍’’ وَأکْوَابٍ کَانَتْ قَوَارِیْراْ‘‘ { قَوَارِیْرَاْ مِنْ فِضَّۃٍ }کے الف کو وقف کی صورت میں پڑھاجائے گا ورنہ وصل کی صورت میں الف حذف ہوگا۔
۷- سورۃ انسان کی آیت ۴’’ إنَّا أعْتَدْنَا لِلْکٰفِرِیْنَ سَلَاسِلاْ‘‘
امام حفص ؒ کے نز دیک ’’سَلَاسِلَا ‘‘کو دو طرح پڑ ھنا صحیح ہے ۔
وقف کی صورت میں (۱) الف کو حذف کر دیا جائے گا (۲) الف کو حذف کر کے لام کو ساکن پڑ ھا جائے گا اور وصل کی صورت میں لام پر فتحہ یعنی زبر پڑ ھا جائے گا ۔
الاسم: سورئہ حجرات کی ایک آیت ۱۱؍ { بِئْسَ اِلاْسْمُ الْفُسُوْقُ بَعْدَ اْلإِیْمَانِ} میں{ الإسم} کو دو طرح پڑ ھ سکتے ہیں (۱) ألِسْمُ(۲) لِسْمُ۔
مد طویل یا تسہیل :
قرآن کریم میں تین کلمات ایسے ہیں، جن میں بر وایت حفص دو صورتیں جائز ہیں :
(۱) مد طویل جس کی مقدار چھ حر کات ہیں(مد لازم کلمی مخفف) اور یہی راجح ہے ۔
(۲) ہمزہ اور الف کے درمیان تسہیل ۔
اور وہ کلمات یہ ہیں :
(۱) سورۂ انعام کی آیت ۱۴۳؍{ قل ئٰٓ الذَّکَرَیْنِ حَرَّمَ أَمِ الْأُنْثَیَِیْنِ}
(۲) سورئہ یونس کی آیت ۹۱؍ { آٰ لْئٰنَ قَدْ عَصَیْتَ قَبْلُ}
(۳) سورئہ یونس کی آیت ۵۹؍{ قُلْئٰٓ اللّٰہُ أَذِنَ لَکُم }
(۴) سورئہ نمل کی آیت ۵۹؍{ ئٰٓ اللّٰہُ خَیْرٌ أَمَّا یُشْرِکُوْنَ }
تسہیلِ خالص:
سورئہ حم سجدہ کی آیت ۴۴؍ کے’’ ئَ اَعْجَمِيٌّ ‘‘ میں امام حفص کے نز دیک تسہیل خالص ہے ۔
نوٹ: بر صغیر کے اکثر حفاظ کرام لاعلمی کی بنا پر یہاں پر تحقیق کرتے ہیں، جو کہ روایت میں تدلیس ہے ۔ اللہ ہم لوگوں کو صحیح پڑھنے کی توفیق عطا فرمائے ۔
۸-حرف عین قرآن میں دو مقامات پر ہیں :
(۱) سورتوں کے شروع میں جیسے سورئہ مر یم اور سورئہ شوری کے شروع میں۔ امام حفص کے نزدیک ’’ع‘‘ کو دو طریقے سے پڑ ھا جا سکتاہے:(۱) چھ حرکات کے مقدار مد کے ساتھ(مد لازم کلمی مخفف) اور یہ بہتر ہے ۔(۲) چا ر حر کات کے ساتھ ۔
۹- لَا تَأمَنَّا :
سورہ یوسف کی آیت ۱۱؍ لَا تَأْمَنَّا میں’’ تأمنا‘‘ کو دو طر ح پڑ ھ سکتے ہیں :
(۱) اشمام کے ساتھ۔اور اشمام کہتے ہیں سکون کے بعد بلا تاخیر دونوں ہونٹوں کو ملانا ۔
(۲)رَوم کے ساتھ۔روم کہتے ہیں،حرکت کو ایسی خفی آواز کے ساتھ ادا کرنا کہ قریب والا سن سکے۔
۱۰-واؤ سے پہلے نو ن ساکن کو ظاہر کر کے ــپڑھنا :
یہ دو مقامات پر ہے (۱) سورہ یٰس میںیٰس ، وَالْقُرْآنِ الْحَکِیْمِ (۲) نٓ، وَالْقَلَمِ وَ مَا یَسْطُرُوْنَ ۔
اِن دونوں جگہوں میں ما بعد سے وصل کی صور ت میں نون ساکن کو ظاہر کیا جائے گا ۔
۱۱-وصل کی صورت میں نون اور وقف کی صورت میں الف پڑھنا:
سورۃ یو سف کی آیت ۳۳؍{ وَلِیَکُوْ نًامِّنَ الصّٰغِرِیْنَ} اور سورۃ علق کی آیت ۱۰؍{لَنَسْفَعًا م بِالنَّاصِیَۃٍ }میں’’ لِیَکُوْنًا‘‘ اور’’ لَنَسْفَعًا‘‘ میں امام حفصؒ وصل کی صورت میں نون اور وقف کی صورت میں الف پڑھتے ہیں ۔ کیوںکہ ان دونوں میں نون تاکید خفیفہ ہے اس کی اصل ’’لِیَکُوْ نَنْ‘‘اور ’’لَنَسْفَعَنْ‘‘ ہیں ۔
سورۃ إسراء کی آیت ۱۱۰؍ اَیًّامَّا تَدْعُوْا فَلَہُ الْأَسْمَائُ الْحُسْنیٰ ’’ أیًّامَّا ‘‘ میں امام حفص دوطریقے سے وقف کرتے ہیں:(۱) ’’ اَیًّا ‘‘ پر وقف کرنا (۲ ) ’’ما‘‘ پروقف کرنا ،خواہ اختیاری ہو،یا اضطراری ۔
بِھَادِي اور بِھَادْ:
سورہ نمل کی آیت ۸۱؍{ وَمَا اَنْتَ بِھٰدِی الْعُمْیِ عَنْ ضَلٰلَتِھِمْ } میں وقف کی صورت میں ’’ی‘‘ برقرار رہے گی۔
سورۃروم کی آیت ۵۳؍{وَمَا اَنْتَ بِھٰدِی الْعُمْیِ عَنْ ضَلٰلَتِھِمْ }میں قرأت حفص میں وقف کی صورت میں دو صورتیں ہیں:
(۱)دال کو سکون کے ساتھ پڑھنا ۔
(۲)رَوم کرنا۔
سورۃ آل عمران کی آیت ۱؍۲ {آلم، اَللّٰہُ لَااِلٰہَ اِلاَّ ہُوَ الْحَیُّ الْقَیُّوْمُ }میں اگر الم کے ’’م‘‘ کو لفظ اللہ کے ساتھ ملا کر پڑھے تو ’’م‘‘ پر زبر پڑ ھیںگے۔
اور ’’م‘‘ میں قرأت حفص میں چھ حرکت کے مقدار مد(مد لازم کلمی مخفف) یا دو حرکت مقدار، دونوں صحیح ہیں، پہلا اَولیٰ ہے۔
پانچ کلمے جن کی ابتدا ہمزہ مکسورہ سے ہوئی:
امام حفص ؒ کی قرأت کے مطابق اگراول کلام میں ہمزہ ہو اور عین کلمہ مضموم ہوتو ہمزہ کو بھی مضموم پڑھتے ہیں:جیسے اُرکض ،اُسجد وغیرہ۔
لیکن اس کے باوجود کچھ اول کلام میںہمزہ کو مکسور پڑھا گیا ۔ حالاں کہ ان کا عین کلمہ مضموم ہے جیسے إمْشُوْا ، إقْضُوْا ، إبْنُوْا، إیْتُوْا، إمْضُوْا ۔ کیوں کہ ان کلمات میں ضمہ اصلی نہیں ہے ۔ ان کی اصل إمشِیُوْ، إقْضِیُوْ، إبْنِیُوْ، إمْضِیُوْہے ۔
نو کلمات میں امام حفص ؒ وقف کی صورت میں ہائے سکتہ پڑھتے ہیں :
(۱) سورہ بقرہ کی آیت ۲۵۹؍ {فَانْظُرْ اٖلٰی طَعَامِکَ وَشَرَابِکَ لَمْ یَتَسَنَّہْ}
(۲) سورہ انعام کی آیت ۹۰؍ {فَبِہُدٰ ہُمُ اقْتَدِہْ }
(۳)،( ۴) ،( ۵) ،( ۶)،( ۷)،(۸)
سورہ حاقہ کی آیت ۲۵؍اور۲۹؍ میں:
{یٰلَیْتَنِیْ لَمْ اُؤتَ کِتٰبِیَہْ، وَلَمْ اَدْرِ مَا حِسَابِیَہْ ، یٰلَیْتَہَا کَانَتِ الْقَاضِیَۃَ ، مَا اَغْنیٰ عَنِّیْ مَالِیَہْ، ہَلَکَ عَنِّیْ سُلْطٰنِیَہْ}
سورۃ القارعۃ کی آیت ۱۰؍ {وَمَا اَدْرٰئکَ مَاہِیَہْ } حالاں کہ ان کلمات کی اصل یوں ہے : یتسن ، اقتد ، کتابي، سلطاني ، حسابی، مالي، ماہي۔
امام حفص ؒ کے نزدیک دو جگہوں میں سکتہ جائزہ ہے :
(۱) سورہ انفال کی آخری آیت اور سورہ توبہ کی پہلی آیت عَلِیْمٌ- بَرآئَ ۃٌ یہاں سانس توڑے بغیر سکتہ کرنا ہے ۔
(۲) سورہ حاقہ کی آیت ۱۹؍اور۲۱ { مَا اَغْنٰی عَنِّیْ مَالِیَہْ ، ہَلَکَ عَنِّیْ سُلْطَانِیَہْ}حالاں کہ یہاں ہاء کا ہاء میں ادغام بھی جائز ہے ۔
چار مقامات پر سکتہ واجبہ ہے :
امام حفص ؒ چار جگہوں میں وجوبی طور پر سکتہ کرتے ہیں : (۱) سورۂ کہف کی آیت نمبر ۱؍ {وَلَمْ یَجْعَلْ لَّہُ عِوَجًا } کے الف میں ۔ (۲) سورۂ یٰس کی آیت ۵۲؍ {مَنْ م بَعَثَنَا مِنْ مَّرْقَدِنَا} کے ’’مَرْقَدِنَا‘‘ کے الف میں ۔(۳) سورہ قیامۃ کے آیت ۲۷؍ {وَقِیْلَ مَنْ رَّاق} میں ’’مَنْ ‘‘ کے نون میں ۔(۴) سورۂ مطففین کی آیت ۱۴؍ {کَلَّا بَلْ رَانَ } کے ’’بَلْ ‘‘ کے لام میں ۔
اَلَمْ نَخْلُقْکُّمْ:
سورہ مرسلات کی آیت ۲۰؍ {اَلَمْ نَخْلُقْکُّمْ مِنْ مَّائٍ مَّہِیْن }میں امام حفصؒ کے نزدیک دو قرأتیں ہیں :
(۱) قاف کا کاف میں ادغام تام ۔
(۲) قاف کا کاف میں ادغام ناقص کرنا۔ یعنی صفت استعلا کی بقا کے ساتھ،لیکن پہلی قرأت راجح ہے ۔