انڈے اور مرغی کی قربانی

مسئلہ:        بعض لوگ انڈے اور مرغی کی قربانی کو نہ صرف جائز سمجھتے ہیں،بلکہ اپنے اس غلط خیال کو سوشل میڈیاوغیرہ کے ذریعہ فروغ بھی دیتے ہیں، جبکہ شریعتِ اسلامی میں قربانی نام ہے :”بہیمة الأنعام“ یعنی مخصوص قسم کے چوپایوں : اونٹ، گائے، بکری اور بھیڑ کا الله کی رضا کے لئے خون بہانا، اور انڈا نہ تو ”بہیمة الأنعام“ میں سے ہے، اور نہ ہی اس میں خون بہانامتصور ہے، اور رہی مرغی تو اس میں خون بہانا گرچہ متصور ہے، لیکن اس کاشمار ”بہیمة الأنعام“ میں نہیں ہے، لہذا انڈے اور مرغی کی قربانی جائزودرست نہیں ہے(۱)۔

مفتی محمد جعفر صاحب ملی رحمانی

صدر دار الافتاء-جامعہ اسلامیہ اشاعت العلوم اکل کوا

الحجّة علی ما قلنا:

(۱) ما في ” القرآن الکریم “ : ﴿لیذکروا اسم الله علی ما رزقہم من بہیمة الأنعام﴾۔(سورة الحج : ۲۸)

ما في ” التفسیر الکبیر “ : أما قولہ : من بہیمة الأنعام : فقال صاحب الکشاف : البہیمة مبہمة في کل ذات أربع في البروالبحر، فبینت بالأنعام، وہي : البقروالإبل، والضأن والمعز۔ (۸/۲۲۱/ سورة الحج)

ما فی ” البحرالمحیط لأبی حیان “ : والمبہمہ والبہیمہ مبہمة فی کل ذات اربع فی البر والبحر فبینت بالأنعام وہی الابل والبقر والضان والمعز۔ (۶/۴۴۳/ کذا فی ” روح المعانی“ : ۶/۲۱۶۔ ” بیان القرآن “ : ۲/۷۰)

ما فی ” بدائع الصنائع “ : الإراقہ لا تعقل قربة إنما جعلت قربة شرعا۔(۴/۲۰۲/ الأضحیة، کیفیة الوجوب)

 ما فی ” الفتاوی الہندیة “ : أما جنسہ : ․․․․ فالأجناس الثلاثة الإبل والغنم والبقر. (۵/۳۴۳/ الأضحیة، الباب الخامس فی بیان محل إقامة الواجب)(المسائل المہمة:۱۵/۱۲۵)